Brevandring

-oppdagingsferd i blåisen

Dette er turen for deg som vil vera med å oppleva ein trygg og spanande dag i blåisen. Brevandring er som ein tur attende i tid, der vi utforskar isen og ser på korleis den har forma landskapet gjennom tusenvis av år. I løpet av ein slik tur oppsøker vi ulike formasjonar som bresprekkar, istårn, tunellar og holer.

Tidsbruk

5-6 timar

Deltakarar

2-8

Kven passar turen for?

Familie, barn, skuleklasse, firma, den som søker ekstra utfordring

SESONG: 1.JUNI - 1.OKTOBER

Om turen

Brevandring er ein 5-6timers tur, der du vil lære korleis isbreane har vore med å utforma Noreg gjennom tusenvis av år. Vi går gamle stigar innover frå Krossbu. Det er enkelt terreng å gå i, og vi legg opp til fleire stopp med prat om is og vatn, elver, delta, morenerygg, lav og mykje meir. Etter om lag 1,5time er vi inne ved brekanten, og tek ei lunsjpause før vi tek på breutstyret. Det vert fyrst ei praktisk innføring i korleis utstyret fungerar, før vi går ei runde for å utforske og oppleva dei spektakulære formasjonane.

Denne turen passar dei fleste då det er gode moglegheiter for tilpassing. I tillegg stiller vi med nødvendig spesialutstyr, og det einaste ein treng å ha med seg er klede til å vera ute ein dag, skjerpa sansar og ei god niste.

Om sumaren har vi gruppeturar 4-6dagar i veka, book deg ein plass HER - eller ta kontakt om du ynskjer privat guide for di gruppe.

Barn på bretur

Vi har hatt med mange 6åringar som er i ekstase over å kunne utforske blåisen. Totalt er turen kring 6km, så dette er ei oppleving heile familien kan vera med på. Vi anbefaler likevel ikkje å gå turen noko tidlegare enn dette, både med tanke på motivasjon og at barna forstår kva dei er med på. Ventar ein til barna er klare vil dei ha meir ut av turen, overskot undervegs og kunne setja meir pris på opplevinga.

Pris

Barn

Vaksen

Privat guide

kr 900,-

kr 1100,-

frå kr 6300,-

Inkludert

Lokalkjend guide
Nødvendig breutstyr

Ikkje inkludert

Privat turutstyr
Nistepakke og drikke

Litt ting du kanskje lurar på

Vi stiller ikkje krav til noko spesiell erfaring for denne turen, men du vil ha att for å vera vant til å gå tur. Om du vil førebu deg litt så kan du gå små turar i nærområdet med ryggsekk, gjerne i ulendt terreng og motbakke. Det vil kunne gjera at du har meir overskot på turen, og betre moglegheit til å nyte opplevinga når du er der.

Våre gruppeturar kan tilpasses alle over 10 år, men vi anbefaler deg å bestille privat guide om du har yngre barn, eller veit du ynskjer ekstra god tid i løpet av dagen. Då er du sikra 100% fokus frå guiden, som kan tilpasse turen til berre deg og dine vener/familie. Vi legg til rette på best mogleg vis på våre gruppeturar og, men der må du vera førebudd på å ta omsyn til gruppa som heilheit, slik at alle får ein trygg og fin tur.

Vi stiller med nødvendig bre- og sikkerheitsutstyr. På brevandring inneber det som regel sele, stegjern, isøks, hjelm og tau. Kvar enkelt må sjølv ha klede til å halde varmen i fjellet den aktuelle dagen. Skulle du ikkje vera kledd for dei aktuelle værforholda, så gjer vi merksam på at du kan bli nekta å delta grunna sikkerheit til både deg sjølv og resten av gruppa. Hugs at du treng litt plass i sekken til å bera det nødvendige breutstyret du får utlevert frå oss.

Forslag til dagstursekk (ca 25-35 liter) og bekledning:

Gode fjellsko, gjerne med stiv såle og støtte rundt ankel (NB: gummistøvlar, cherrox og joggesko er ikkje å anbefale)
Ullundertøy innerst
Vann og vindtett jakke og bukse
Fleece, evt. dunjakke til å ha i pausane
Varme vottar/hanskar og lue
Godt fottøy (ikkje joggesko, men fjellsko)
Solbriller og solkrem
Varm / kald drikke
Solid nistepakke
Teip og gnagsårplaster

Sikkerheit

Ein trygg tur ligg til grunn i alt vi gjer. Du vil derfor ha med deg ein erfaren og lokalkjend guide på turen. Vi stiller og litt krav til deg som deltakar; så set deg inn i informasjon i forkant av turen, ha med tilstrekkeleg med klede, og tenk gjennom korleis du kan bidra til at sikkerheita blir ivareteken denne dagen. Våre betingelser finn du her.

Området her er skjerma mot mykje vær, men av og til blir det dårlegare enn vi ynskjer. Sumaren kan by på alt frå minusgrader og snø til strålande sol og 20grader i høgfjellet. Været er ein del av opplevinga, og det fine er at isbreen er like fin uansett om det både er dårleg sikt og litt nedbør. Det betyr at vi ofte får gjennomført breturane trass litt dårleg vær, men om forholda set ein stoppar for planlagt tur den aktuelle dagen, så prøver vi så langt det let seg gjera å tilby eit alternativt opplegg. Vi tilbyr ikkje avbestillingsforsikring, så om du må avlyse turen er det di eiga reiseforsikring som dekker dette. Set deg inn i våre vilkår her.

Dette er ein barnevenleg tur, som kan gjerast svært avansert og krevjande.

Jælma

Dette er varianten for dei som ynskjer ekstra utfordring. Det kan til dømes innebera klatring i bratte isveggar, eller bli fira ned i bresprekker. Denne turen går til det same området, men her er det moglegheit til å prøve og lære enno meir om stegjernsteknikk, vanskelegare gange i is, rappellering og klatring i bratte veggar med to isøkser osv. Denne turen kan og kombinerast med ein fjelltopp, sjå t.d. informasjon om Kalven.