Oppmøte er kl. 08:00, på parkeringsplassen på Juvasshytta. Det er om lag 40min å kjøre frå Lom sentrum til Juvasshytta, og vi minner om at det er bomveg der avgifta vert betalt på terminal ved Juvasshytta eller www.passpay.no.

Vi brukar vanlegvis kring 7timar på turen, men dette kan variere ut frå vær, føre og gruppesamansetning.

Vi stiller ikkje krav til noko spesiell erfaring for denne turen, men du vil ha att for å vera vant til å gå tur. Om du vil førebu deg litt så kan du gå små turar i nærområdet med ryggsekk, gjerne i ulendt terreng og motbakke. Det vil kunne gjera at du har meir overskot på turen, og betre moglegheit til å nyte opplevinga når du er der.

Våre gruppeturar kan tilpasses alle over 8 år, men vi anbefaler deg å bestille privat guide om du har yngre barn, eller veit du ynskjer ekstra god tid i løpet av dagen. Då er du sikra 100% fokus frå guiden, som kan tilpasse turen til berre deg og dine vener/familie. Vi legg til rette på best mogleg vis på våre gruppeturar og, men der må du vera førebudd på å ta omsyn til gruppa som heilheit, slik at alle får ein trygg og fin tur.

Vi stiller med nødvendig bre- og sikkerheitsutstyr. Mot Galdhøpiggen inneber det som regel sele og tau. Om det er glatt over breen, så har vi i tillegg med brodder eller stegjern, alt etter kva som passar best for gruppa. Kvar enkelt må sjølv ha klede til å halde varmen i fjellet den aktuelle dagen. Skulle du ikkje vera kledd for dei aktuelle værforholda, så gjer vi merksam på at du kan bli nekta å delta grunna sikkerheita til både deg sjølv og resten av gruppa. Hugs at du treng litt plass i sekken til å bera det nødvendige breutstyret du får utlevert frå oss.

Forslag til dagstursekk (ca 25-35 liter) og bekledning:

• Gode fjellsko, gjerne med stiv såle og støtte rundt ankel (NB: gummistøvlar, cherrox og joggesko er ikkje å anbefale)

• Ullundertøy innerst

• Vann og vindtett jakke og bukse

• Fleece, evt. dunjakke til å ha i pausane

• Varme vottar/hanskar og lue

• Godt fottøy (ikkje joggesko, men fjellsko)

• Solbriller og solkrem

• Varm / kald drikke

• Solid nistepakke

• Teip og gnagsårplaster

Sikkerheit

Ein trygg tur ligg til grunn i alt vi gjer. Du vil derfor ha med deg ein erfaren og lokalkjend guide på turen. Vi stiller og litt krav til deg som deltakar; så set deg inn i informasjon i forkant av turen, ha med tilstrekkeleg med klede, og tenk gjerne gjennom korleis du kan bidra til at sikkerheita blir ivareteken denne dagen. Våre betingelser finn du her.

Området her er skjerma mot mykje vær, men av og til blir det dårlegare enn vi ynskjer. Sumaren kan by på alt frå minusgrader og snø til strålande sol og 20grader på toppen av Galdhøpiggen. Været er ein del av opplevinga, men om det set ein stoppar for planlagt tur den aktuelle dagen, så prøver vi så langt det let seg gjera å tilby eit alternativt opplegg. Vi tilbyr ikkje avbestillingsforsikring, så om du må avlyse turen er det di eiga reiseforsikring som dekker dette. Set deg inn i våre vilkår her.

Galdhøpiggen + Veslpiggen

Dette er varianten for dei som ynskjer litt ekstra. Vi går i et triangel med Galdhøpiggen fyrst, for så å gå på Vesle Galdhøpiggen på heimvegen. Denne er akkurat 100 meter lågare enn sin storebror. Turen er ofte rekna å ta 8-10timar, og inneber ei litt brattare og luftigare passasje for å koma seg opp på ryggen som leder mot toppen.

Svellnosbrean - Piggen

Dette er varianten for dei som ynskjer ein lengre og meir krevjande tur. Vi startar frå Spiterstulen, og går til Galdhøpiggen via Svellnosbreen. Nedatt går vi normalvegen frå Spiterstulen. Tidsbruk vil vera kring 9-10timar.