Sjølv om Galdhøpiggen er Norges høgste fjell, er dette ein tur dei fleste kan få til. Vi tilpassar turen til kvar enkelt, slik at alle som er med oss skal kjenne mestring og sitja att med ei god turoppleving.

Ein dag i blåisen kan by på minne for livet, og turen kan tilpassast alle nivå og aldrar. Vi oppsøker området som krev bruk av isøks og stegjern, og nyttar tida til å utforske breen sine formasjonar.

Kalksteinsgrottene i Dumdalen byr på underlege og utrulege formasjonar, og det i ei stillheit som berre vert brote av den mektige elvebrusen som dundrar gjennom dalen. 

Vinter og vår er ei fantastisk tid for skiturar i Jotunheimen og Breheimen, med sesong langt ut i juni. Bli med på tur innover snødekte fjell, og opplev flotte nedkøyringar på over 1000 meter.

Vil du lære meir om fjell-ferdsel?  Vi tilbyr tradisjonelle og tilpassa dagskurs, eller over fleire dagar. Du kan blant anna vera med på grunnkurs bre (NF-standarden), toppturkurs, skredkurs eller andre kurs om trygg ferdsel i høgfjellet.

Ynskjer du tur med alt inkludert? Ta kontakt så kjem vi med tilbod på opplegg med det du ynskjer av aktivitetar, overnatting og mat. Veit du ikkje kva du ynskjer, kan vi koma med forslag til kva som er mogleg å finne på i området.